ବଳିଆପଣ୍ଡା ଦାଦାବଟି ମାଗି ଆକ୍ରମଣ କରି ଟଙ୍କା ଛଡାଇ ନେବା ଅଭିଯୋଗରେ ବଳିଆପଣ୍ଡା ଥାନା ଦ୍ୱାରା ଜଣେ ଗିରଫ ସହ କୋର୍ଟ ଚାଲାଣ

ପୁରୀ ବଳିଆପଣ୍ଡା ନାଲପଡିଆ ନିକଟରେ ଦାଦାବଟି ମାଗି ଆକ୍ରମଣ କରି ଟଙ୍କା ଛଡାଇ ନେବା ଅଭିଯୋଗରେ ବଳିଆପଣ୍ଡା ଥାନା ଦ୍ୱାରା ଜଣେ ଗିରଫ ସହ କୋର୍ଟ ଚାଲାଣ l ଅଭିଯୁକ୍ତ ଜଣକ ବଳିଆପଣ୍ଡା ବସ୍ତି ସିଂହ ଲେନର ରାଜା ଓରଫ ଅମର ପ୍ରଧାନ 27 l ପୁଲିସ ସୂତ୍ରରୁ ଜଣାଯାଇଛି ଯେ ଗତକାଲି ବିଳମ୍ବିତ ରାତ୍ରରେ ବଳିଆପଣ୍ଡା ଧୋବାଖାଲର ଭଗବାନ ସାହୁ 23 ଥାନାରେ ଅଭିଯୋଗ କରିଥିଲେ ଯେ ସେ ସମୁଦ୍ରକୂଳରୁ ବେପାର ସାରି ତାଙ୍କ ଘୋଡା ସହ ଘରକୁ ଫେରୁଥିଲେ l ଗତକାଲି ରାତ୍ର ପ୍ରାୟ ସାଢେ 10ଟା ସମୟରେ ଅଭିଯୁକ୍ତ ରାଜା ତାଙ୍କୁ ଅଟକାଇ ଦାଦାବଟି ମାଗିଥିଲା l ଏନେଇ ସେ ପ୍ରତିବାଦ କରିବାରୁ ଧାରୁଆ ଛୁରୀ ସହାୟତାରେ ରାଜା ଭଗବାନଙ୍କୁ ଆକ୍ରମଣ କରି ରକ୍ତାକ୍ତ କରି 5ଶହ ଟଙ୍କା ଛଡାଇ ନେଇଥିଲା l ଭଗବାନ ମେଡିକାଲ ରେ ଚିକିତ୍ସା ହୋଇଥିଲେ l ପରେ ସେ ଅଭିଯୋଗ କରିଥିଲେ l ଉକ୍ତ ଅଭିଯୋଗ କ୍ରମେ 87/2025ନମ୍ବର ମାମଲା ରୁଜୁ କରାଯାଇ ଅଭିଯୁକ୍ତକୁ ଗିରଫ ପରେ ଆଜି ଅପରାହ୍ନ 5ଟାରେ କୋର୍ଟ ଚାଲାଣ କରାଯାଇଥିଲା l