ବେଆଇନ୍ ବାଣ ତିଆରି ଅଭିଯୋଗରେ ଜଣେ ଗିରଫ

ପୁରୀ ବେଆଇନ୍ ବାଣ ତିଆରି କରିବା ଅଭିଯୋଗରେ ସଦର ଥାନା ପୁଲିସ ଜଣକୁ ଗିରଫ କରିଛି l ଅଭିଯୁକ୍ତ ଜଣକ ଏହି ଥାନା ଅନ୍ତର୍ଗତ ନରହରିପୁରର ଶ୍ରୀକାନ୍ତ ମିଶ୍ର l ଅଭିଯୁକ୍ତ ନିକଟରୁ ୬ ବସ୍ତା ବାଡିଆ ବମ୍ ଜବତ କରିଛି ପୁଲିସ l ଅଭିଯୁକ୍ତ ଜଣକ ନିଜ ବଗିଚାରେ ବେଆଇନ୍ ବାଣ ତିଆରି କରୁଥିବା ନେଇ ପୁଲିସକୁ ବିଶେଷ ସୂତ୍ରରୁ ଖବର ମିଳିଥିଲା l ଉକ୍ତ ଖବର ଅନୁଯାୟୀ ସଦରଥାନା ଆଇଆଇସି ସୁନୀଲ କୁମାର ପ୍ରଧାନ ଅନ୍ୟ ଷ୍ଟାଫଙ୍କ ସହ ଅଚାନକ ଚଢାଉ କରିଥିଲେ l ଘଟଣା ସ୍ଥଳରୁ ଅଭିଯୁକ୍ତ କୁ ଗିରଫ କରାଯିବା ସହ ବାଣ ଜବତ କରାଯାଇଥିଲା l