ଦୁଇ ଅପରାଧୀ ଗିରଫ

ପୁରୀ ସହରରେ ବାରମ୍ବାର ଆତଙ୍କ ସୃଷ୍ଟି କରୁଥିବା ଦୁଇ କୁଖ୍ୟାତ ଅପରାଧୀଙ୍କୁ ମଙ୍ଗଳବାର ଟାଉନ ଥାନା ପୁଲିସ ଗିରଫ କରିଛି। ସେମାନେ ହେଲେ ଉକ୍ତ ଥାନା ଅଧୀନ ଜଗନ୍ନାଥବଲ୍ଲଭର ବିରଞ୍ଚି ମହାପାତ୍ର ଓରଫ ପାପୁନି (୨୬) ଓ ବାସେଳିସାହି ଥାନା ଅଧୀନ ଗୋଖାସାହି ନୀଳଚକ୍ରଲେନ୍‌ର ଆଶିଷ ଦାସ (୨୦)। ଏମାନଙ୍କଠାରୁ ପୁଲିସ ଏକ କ ଷ୍ଟିଲ ଛୁରୀ, ଲୁହା ରଡ, ମୋବାଇଲ ଓ ୨୦୦ ଟଙ୍କା ଜବତ କରିଛି। ପୁଲିସ ସୂଚନାନୁଯାୟୀ, ଉଭୟ ଟାଉନ୍ ଥାନା ଅଞ୍ଚଳରେ ବାରମ୍ବାର ଅଟୋ ଡ୍ରାଇଭର, ଯାତ୍ରୀ ଓ ଉଠା ବ୍ୟବସାୟୀମାନଙ୍କୁ ମାରଣାସ୍ତ୍ର ଦେଖାଇ ଦାଦାବଟି ଆଦାୟ କରୁଥିଲେ। ଥାନାରେ ଅଭିଯୋଗ କଲେ ଜୀବନରୁ ମାରିଦେବେ ବୋଲି ଧମକ ଦେଉଥିଲେ। ସେମାନଙ୍କ ବିରୋଧରେ ଅଭିଯୋଗ କରିବାକୁ ଲୋକମାନେ ଡରୁଥିଲେ। ପୁଲିସ ନିଜ ଆଡୁ ମାମଲା ରୁଜୁ କରି ସେମାନଙ୍କୁ ଗିରଫ କରିଛି।