ଘରେ ପଶି ଟଙ୍କା ଓ ଅଳଙ୍କାର ଚୋରି କରିବା ଅଭିଯୋଗରେ ପୁଲିସ ଯୁବକକୁ ଗିରଫ କରିଛି।

ପୁରୀ ଘରେ ପଶି ଟଙ୍କା ଓ ଅଳଙ୍କାର ଚୋରି କରିବା ଅଭିଯୋଗରେ ବାସେଳିସାହି ପୁଲିସ ଯୁବକକୁ ଗିରଫ କରିଛି। ସେ ହେଲା ଉକ୍ତ ଥାନା ଅଧୀନ ନୀଳକମଲ ମହାନ୍ତି ଓରଫ ସପାନୀ (୩୧)। ତା'ଠାରୁ ଲୁହା ରଡ୍, ୧ହଳ କାନଫୁଲ, ବ୍ୟାଗ ଓ ୬୦୦୦ ଟଙ୍କା ଜବତ ହୋଇଛି। ପୁଲିସ ସୂଚନାନୁଯାୟୀ, ରାମିତୋଟା ମହାଦେବ ଲେନ୍‌ର ଶିବଶଙ୍କର ସୁବୁଦ୍ଧି ଓ ତାଙ୍କ ପରିବାର ଗତ ୩୦ ତାରିଖ ଏକ ବାହାଘରକୁ ଯାଇଥିଲେ । ବିଳମ୍ବିତ ରାତିରେ ଘରେ ପହଞ୍ଚି ଘରର ତାଲା ଭାଙ୍ଗି ଟଙ୍କା ଓ ଅଳଙ୍କାର ଲୁଟ୍ ହୋଇଥିବା ଦେଖିଥିଲେ। ଏନେଇ ଶିବଶଙ୍କର ଥାନାରେ ଅଭିଯୋଗ କରିବା ପରେ ଥାନା ଅଧିକାରୀ ବିକ୍ରମ କେଶରୀ ଜେନା ଚୋରକୁ କାବୁ କରିଛନ୍ତି।