ଦାଦାବଟି ଆଦାୟ ଅଭିଯୋଗରେ ଜଣେ ଗିରଫ

ପୁରୀ, ୧୯/୧୨ : ବଡଶଙ୍ଖ ପରିବା ମାର୍କେଟ ଠାରେ ଦାଦାବଟି ଆଦାୟ ଅଭିଯୋଗରେ କୁମ୍ଭାରପଡା ଥାନା ପୁଲିସ ଜଣକୁ ଗିରଫ କରି କୋର୍ଟ ଚାଲାଣ କରିଛି l ଅଭିଯୁକ୍ତର ପରିଚୟ ରାମଚଣ୍ଡୀ ସାହି ବାଲିଉପରରେ ରହୁଥିବା ଛଇତନାର ରାଜା ଓରଫ ଦିଲ୍ଲୀପ କୁମାର ମଲ୍ଲିକ ୨୮ l ଶୁକ୍ରବାର ପୂର୍ବାହ୍ନରେ ପୁଲିସ ପକ୍ଷରୁ ପାଟ୍ରୋଲିଂ ଚାଲିଥିବା ବେଳେ ଅଭିଯୁକ୍ତ ଦାଦାବଟି ଆଦାୟ କରୁଥିବା ନେଇ ପୁଲିସ ଜାଣିବାକୁ ପାଇଥିଲା l ଘଟଣା ସ୍ଥଳରେ ପୁଲିସ ଚଢ଼ାଉ ବେଳେ ଅଭିଯୁକ୍ତକୁ ଗିରଫ କରିଥିଲା l ଅଭିଯୁକ୍ତ ପୁଲିସକୁ ଅଶ୍ଳୀଳ ଭାଷାରେ ଗାଳିଗୁଲଜ କରିଥିବା ନେଇ ପୁଲିସ ସୂଚନା ଦେଇଥିଲେ l ପରେ ଅଭିଯୁକ୍ତ ବିରୁଦ୍ଧରେ ୫୮୦/୨୦୨୫ ନମ୍ବର ମାମଲା ରୁଜୁ କରାଯାଇ ଅଭିଯୁକ୍ତକୁ ଶୁକ୍ରବାର ଅପରାହ୍ନରେ କୋର୍ଟ ଚାଲାଣ କରାଯାଇଥିଲା l